Young Dee amefunguka sababu ya kumtumia Tunda kwenye video ya wimbo yake mpya wa Furaha.

Rapper huyo amekiambia kipindi cha Planet Bongo cha EA Radio Jumanne hii kuwa aliamua kumtumia model huyo kwa kuwa ni mtu wake wa karibu na ilikuwa rahisi zaidi kumpata kwa wakati.
“Kwanza unajua sijafanya muda mrefu video ya mapenzi, hivyo nilifikiria nikaona Tunda ni mtu sahihi kwanza ni mtu wangu wa karibu hivyo nikaona akisimama yeye kwenye video hii ataleta maana zaidi kwa kile nilichokuwa nimelenga kukifikisha kwa jamii. Nilikutana na wanamitindo wengine lakini kwangu walikuwa wakubwa sana. Lakini pia nikiwa na Tunda muda wote kwangu ni furaha tu,” amesema.
Dee ameongeza kuwa aliwahi sana kuachia wimbo wa ‘Hands Up’ ni kipindi ambacho alitakiwa kupumzika.